Mér finnst stundum mjög vond lykt af píkunni minni, hvað er best að gera?
Vond lykt af píkunni getur verið merki um sýkingu en þarf þó ekki að vera það. Það er eðlilegt að það sé einhver lykt af píkunni en ef að passað er að þrífa sig vel þegar maður fer í sturtu og skipa daglega um nærföt þá er óþarfi að hafa áhyggjur. Það er ekki æskilegt að nota ilmvörur til að draga úr lyktinni þar sem að þær geta verið mjög ertandi.
Ef að lyktin er hinsvegar mjög sterk og minnir smá á fiskilykt þá gæti verið um bakteríusýkingu að ræða og hana þarf að meðhöndla á viðeigandi hátt. Slíkum sýkingum fylgja oftast óþægindi á borð við sviða og kláða meðfram óeðlilegri útferð.
