Hvernig hefur sýrustig í leggöngum áhrif á kynheilsu?

Mjög mikilvægt er fyrir heilbrigði legganga að viðhalda eðlilegu sýrustigi (pH gildi). Eðlilegt pH gildi legganga er töluvert súrt, á milli 3.8 og 4.5, sem heldur gerlaflórunni í jafnvægi og verndar gegn sýkingum. Sýrustigið getur þó verið breytilegt eftir aldri og hvar kona er stödd í tíðahring. Sem dæmi, þá ætti pH í leggöngum að vera lægra en 4.5 hjá konum á aldrinum 15-49 ára, en fyrir blæðingar og eftir tíðahvörf þá er eðlilegt og heilbrigt að sýrustigið fari upp í 5.0.

Í leggöngunum eru fjöldi baktería, bæði góðar og slæmar. Góðu bakteríurnar (e. lactobacilli) viðhalda sýrustigi með því að seyta mjólkursýru og öðrum efnum sem halda umhverfinu súru. Þegar sýrustigið raskast, raskast einnig eðlileg bakteríuflóra leggangana. Þá geta bakteríur eða sveppir fjölgað sér og upp komið ójafnvægi sem veldur bakteríusýkingu (e. bacterial vaginosis) eða sveppasýkingu (e. candidiasis).

Hvað hefur áhrif á sýrustig legganga?

Fjölmargir þættir í daglegu lífi kvenna geta haft áhrif á pH gildi legganga.

Hormónamagn

Sýrustigið í leggöngunum getur verið breytilegt á ákveðnum tímabilum í lífi kvenna, t.d. við blæðingar, kynþroska, meðgöngu, brjóstagjöf og breytingaskeið, þegar magn hormóna er breytilegt. Í kjölfar hormónaójafnvægis getur sýrustigið í leggöngum raskast, sem gerir bakteríum og sveppum auðveldara með að fjölga sér og valda óþægindum. Konur eru því útsettari fyrir bakteríu- og sveppasýkingum á þessum tímabilum.

Blæðingar

Tíðablóð er örlítið basískt og getur valdið því að pH í leggöngum hækkar. Við það getur sýrustig legganga farið úr skorðum og bakteríur og/eða sveppir náð sér á strik. Tíðavörur s.s. tíðatappar og bindi geta einnig haft ertandi áhrif og stuðlað að ójafnvægi.

Kynlíf

Sæði hefur töluvert hærra sýrustig en er í leggöngum og því getur óvarið kynlíf gert það að verkum að kona finnur fyrir óþægindum eftir samfarir. Ójafnvægið getur varað í allt að 10-14 klst. sem gerir bakteríur og sveppi kleift að fjölga sér og valda sýkingu.

Sýklalyf

Sýklalyf drepa því miður ekki einungis skaðlegar bakteríur heldur einnig góðar bakteríur sem viðhalda heilbrigði legganga. Þá eiga sveppir og bakteríur auðveldar með að fjölga sér óeðlilega og úr getur orðið sýking sem veldur óþægindum.

Hreinlæti

Hreinlæti er mikilvægt þegar kemur að kynfærum, en leggöngin sjálf eru sjálfhreinsandi og því á alls ekki að skola upp í þau. Hreinsiefni, sápur og snyrtivörur fyrir kynfærasvæðið, sérstaklega þær sem innihalda sterk ilmefni, geta aukið líkurnar á að jafnvægi raskist og óæskilegar bakteríur fjölgi sér.  

Sund og líkamsrækt

Klórinn í sundlaugavatninu getur valdið ójafnvægi á sýrustigi legganga og því geta konur fundið fyrir óþægindum eftir sundferðir. Þegar konur stunda mikla og ákafa líkamsrækt til lengri tíma s.s. við hjólreiðar eða langhlaup, getur skapast umhverfi þar sem bakteríur og sveppir geta fjölgað sér og orsakað sýkingu. „Sports vagina“ er þekkt orð í heimi íþróttakvenna og því ljóst að fjölmargar konur þekkja hvernig mikil íþróttaiðkun getur haft áhrif á sýrustigið.

Fatnaður

Þröngur fatnaður sem andar illa getur valdið því að sýrustigið fer úr skorðum og bakteríur og sveppir fjölga sér.

Hvað get ég gert til að viðhalda réttu sýrustigi í leggöngum?

Hver og einn líkami er einstakur og það sem virkar fyrir einn, virkar ekki endilega fyrir annan. Með því að huga að fyrrgreindum atriðum getur þú verið meðvituð um hvernig líkaminn þinn bregst við og hvað virkar fyrir hann.

Mikilvægt er að nota mildar sápur fyrir kynfæri, ekki skola upp í leggöng og ganga í fatnaði sem andar vel.  Ef nauðsynlegt er að taka inn sýklalyf er mjög gott að nota Rosonia VagiCaps á meðan kúrnum stendur til að fyrirbyggja að bakteríuflóran í leggöngunum fari úr skorðum.

Rosonia Vagicaps hylkin eru lítil og mjúk og eru sett í leggöng rétt fyrir svefn. Meðferð gegn bakteríu- og sveppasýkingum miðast við 7 daga, en einnig má nota þau fyrirbyggjandi þegar óþæginda verður vart í kringum blæðingar, eftir sund, líkamsrækt eða óvarið kynlíf, til þess að viðhalda sýrustigi legganga og fyrirbyggja ójafnvægi í bakteríuflóru.

Rosonia VagiCaps er CE vottuð lækningavara sem veitir staðbundna meðferð í leggöngum við bakteríu-, sveppa- og veirusýkingum og stuðlar að jafnvægi í bakteríuflórunni. Hylkin innihalda örveruhamlandi silfurjónakomplex TIAB sem hefur staðfesta virkni gegn sýkingum í leggöngum. Hylkin innihalda einnig græðandi Aloe vera og hýalúronsýru sem oft er nefnd rakagjafi náttúrunnar og er mikilvægur þáttur í að halda húðinni heilbrigðri.

Hvaða einkenni fylgja sveppasýkingu?
Er útferð eðlileg?
Loka
Loka Karfan mín
Loka Óskalisti
Close Nýlega skoðað
Loka
Loka
Flokkar
Karfan mín
Karfan er tóm
Byrjum að versla!
Byrjaðu að versla
0