Það er mjög algengt að upp komi sviði eða kláði í kringum blæðingar. Þessi óþægindi eru hinsvegar ekki alltaf sveppasýking. Hjá sumum konum verður breyting á bakteríuflórunni í leggöngum þegar þær fara á blæðingar. Það er vegna þess að sýrustigið í leggöngunum og sýrustig tíðablóðsins er ekki það sama og það hefur áhrif á flóruna. Þetta getur valdið óþægindum eins og sviða, kláða, roða og bólgu á meðan á blæðingum stendur og stuttu á eftir. Þá geta líka dömubindi og tíðablóð sem liggur við svæðið verið ertandi fyrir húðina. Hægt er að nota sérstök hylki fyrir leggöng til að stuðla að heilbrigðri flóru legganga og draga úr líkunum á óþægindum.
Þegar flóran raskast t.d. út af blæðingum þá eru meiri líkur á að sveppasýking komi upp. Ef um raunverulega sveppasýkingu er að ræða þá ætti að meðhöndla sýkinguna með viðeigandi lyfjum en huga svo vel að svæðinu líka þegar meðferð líkur. Það er algengt að húðin á píkunni og í leggöngunum sé enn viðkvæm þegar sveppasýkingin er farin og mikilvægt að húðin nái að jafna sig. Heil húð er besta vörnin gegn sýkingum.
Rosonia froðan kemur í nettum brúsa sem er hristur vel fyrir notkun. Síðan er froðan borin á píkuna og svæðið í kring eftir þörfum. Það kemur strax kælandi tilfinning sem að róar húðina og dregur úr kláða. Ef að húðin er mjög viðkvæm þá getur froðan sviðið ögn fyrst en það ætti að líða hjá eftir smá stund.
