Melkorka Kvaran, hjúkrunar- og íþróttafræðingur fagnaði 47 ára afmælinu
sínu með því að hlaupa 47 kílómetra í Elliðaárdalnum með fjölskyldu og vinum. Í
kjölfarið settumst við niður með henni og spurðum hana hvernig þessi hugmynd
varð til.
Melkorka svarar með brosi á vör og segist vera hrifin af öllum góðum hugmyndum sem tengjast hreyfingu og útivist. „Ég fékk þessa stórskemmtilegu hugmynd um að fagna 47 ára afmælinu mínu með því að hlaupa 47 kílómetra, einn fyrir hvert aldursár“. Hún bætir við og segir að það sé óþarfi að bíða með góðar hugmyndir „Ég vildi ekki bíða þar til ég yrði 50 ára, hver veit hvernig heilsan mín verður þá, í dag er ég 47 ára, heilbrigð og hamingjusöm – og því ber að fagna“.
Melkorka lýsir því hvernig Hólmurinn í Elliðaárdalnum hafi orðið fyrir valinu. „Staðurinn er eins og sveit í borg og upplifunin er eins og að vera stödd í sænskum eða norskum skógi. Þarna er aldrei vont veður, algjört skjól fyrir roki og rigningu“.
Hún bætir við að Hólmahringurinn sé 2,35 km og því hafi passað fullkomlega að hlaupa 20 hringi. „Ég bauð vinum og vandamönnum í afmælisveislu, var með afmælisköku og aðra nauðsynlega orku á drykkjarstöð við upphaf hringsins og fólk gat mætt og tekið eins marga hringi með mér og hver og einn vildi og treysti sér til“. Melkorka lýsir andrúmsloftinu sem skemmtilegu og hvað það hafi verið gaman að koma úr hverjum hring og sjá ný andlit mætt til leiks. „Sumir gengu, aðrir skokkuðu, einhverjir tóku spretti“.
Fæðubótarefnið Energy mikilvægur þáttur í að halda orku í hlaupinu
Þeir sem leggja stund á langhlaup eða aðra krefjandi íþrótt vita að nauðsynlegt er að halda góðri og jafnri orku með því að næra sig vel og taka hjálpleg bætiefni. „Ég hugsa í grunninn vel um grunnþarfirnar, næringu, hreyfingu og svefn og held streitu í lágmarki eins og mér er frekast unnt“ segir Melkorka. „Undanfarin ár hefur mér tekist nokkuð vel að vera með þessa hluti í góðu jafnvægi“ bætir hún við. Hún bendir á að fæðubótarefnið Energy frá Saga Natura hafi verið mikilvægur þáttur í að halda orkunni. „Mér leið vel alla 20 hringina“ segir hún og bætir við „Ég tek Energy á morgnanna, sérstaklega fyrir svona langar æfingar. Mér finnst það hjálpa mér að halda jafnri orku í gegnum æfinguna“ segir Melkorka.
Energy frá Saga Natura
Fæðubótarefnið Energy frá Saga Natura inniheldur burnirót, L-theanín, koffín m.a. úr guarana fræjum ásamt B-vítamín blöndu. Melkorka hefur mjög jákvæða reynslu af Energy, sem hjálpar henni að draga úr streitu og stuðlar að jafnri orku í gegnum daginn. „Ég finn miklu sjaldnar fyrir orkuleysi á löngum æfingum eftir að ég byrjaði að taka Energy“ segir Melkorka.
Burnirót á sér sögu sem lækningajurt aftur til ársins 77 e.Kr. og stuðlar hún að almennri vellíðan og jafnvægi í líkamanum.Rótin virðist virka vel meðal annars gegn stressi, einbeitingarskorti og til að bæta árangur fólks í íþróttum. Koffín er örvandi efni sem finnst í náttúrunni, til dæmis í kaffi, tei, kakó og súkkulaði. Gæta þarf þess að neyta koffíns í hóflegu magni og eru 105 mg af koffíni sem Energy inniheldur vel undir hóflegum mörkum. „Ég drekk ekki kaffi og ekki heldur neina af þessum orkudrykkjum sem innihalda koffín. Ég hef aldrei talið mig hafa þörf fyrir örvandi efni á borð við koffín, en með Energy get ég stjórnað orkunni betur“.
Almennt legg ég áherslu á heilbrigðan lífsstíl, jafnt í leik sem og starfi. „Í grunninn vil ég fá vítamín og steinefni úr góðri fæðu, en á álagstímum og þegar maður er að stunda langar æfingar sem krefjast meiri orku, þá er nauðsynlegt að hlusta á líkamann og bæta á fæðubúskapinn í samræmi við þarfir.“ „Með því að velja Energy frá Saga Natura er ég að velja gæði úr náttúrulegum efnum sem halda mér í jafnvægi og gera mér kleift að halda mér heilsusamlegri á hreyfingu“ segir Melkorka að lokum.
