Hildur Björk Guðmundsdóttir hefur tekið inn Energy frá Saga Natura í eitt og hálft ár með góðum árangri. Hún segir Energy koma sér í rétta gírinn fyrir æfingar og hámarka andlega og líkamlega getu og bæta úthald.
Hildur hóf að taka inn Energy fyrri hluta árs 2021 og árangurinn lét ekki á sér standa. „Ég tek inn Energy 2-3 sinnum í viku auk þess sem ég laumast stundum í það seinnipart dags ef vinnudagurinn dregst fram á kvöld. Það er burnirót í Energy sem er þekkt fyrir að draga úr þreytu og auka vellíðan svo og koffín sem eykur orku og afköst.“
Inniheldur mörg virk efni
Energy er vegan orkublanda sem inniheldur mörg virk efni sem stuðla að aukinni orku og einbeitingu en aðalinnihaldsefni blöndunnar eru burnirót, koffín, L-theanín og B- vítamín-blanda.
Burnirót á sér langa sögu sem lækningajurt eða aftur til ársins 77 e.Kr. og stuðlar hún að almennri vellíðan og jafnvægi í líkamanum. Rótin virðist virka vel meðal annars gegn stressi, einbeitingarskorti og bæta árangur fólks í íþróttum. Koffín er örvandi efni sem finnst í náttúrunni, til dæmis í kaffi, tei, kakó og súkkulaði. Gæta þarf þess að neyta koffíns í hóflegu magni og eru 105 mg af koffíni sem Energy inniheldur vel undir hóflegum mörkum. Þungaðar konur og börn ættu ávallt að forðast koffín.
L-theanín er rannsakað bætiefni og stuðlar að auknu jafnvægi og minna stressi.
B-vítamín blanda Energy inniheldur B5, B6 og B12. Blandan styrkir húð og meltingarfæri, hjálpar til við myndun serótóníns í heilanum og er mikilvæg fyrir vöxt, frjósemi og tauga- og ónæmiskerfi. Að lokum styður það við flutning á súrefni um líkamann um rauðu blóðkornin.
Kemur manni í réttan gírinn
Áhrifin af inntöku Energy hafa verið mjög góð að sögn Hildar, bæði í daglegu lífi og í tengslum við æfingar. „Mér finnst Energy koma mér í rétta gírinn fyrir æfingar og hámarka andlega og líkamlega getu og bæta úthald. Frá því ég hóf að taka inn Energy er ég alveg hætt að taka inn Spírulína Blue og tek ekki eins mikið af B-vítamíni og áður enda hentar mér betur að taka Energy. Ég get eindregið mælt með Energy fyrir alla sem eru að hreyfa sig. Það einfaldlega kemur manni í rétta gírinn fyrir æfingar og eykur einnig afköst og kraft í daglegu lífi.“
Nánar á fréttablaðið.is.
