Að hlaupa með hjartanu og stuðningi náttúrunnar

Það er eitthvað sérstakt við hlaup. Hvort sem um er að ræða rólegt morgunhlaup í náttúrunni eða krefjandi keppni þar sem hjartað hamast, þá veitir hreyfingin okkur orku og ró. Fyrir þá sem stunda langhlaup og aðrar úthaldsfrekar íþróttir skiptir miklu máli að hlúa vel að líkamanum – ekki bara fyrir keppni heldur einnig í endurheimt milli æfinga.

Hlaupakonan Ólafía Kvaran þekkir þetta vel, en hún hefur helgað sig Spartan- og utanvegahlaupum, þar sem bæði líkamlegur styrkur og andlegur fókus eru lykilatriði. Í gegnum árin hefur hún fundið sínar leiðir til að ná jafnvægi – þar sem náttúran spilar lykilhlutverk, bæði í umhverfinu sem hún æfir í og í þeim náttúrulegu lausnum sem hún notar til að styðja við líkamann.

Áskorun að hlaupa í marga klukkutíma

Þeir sem hafa stundað langhlaup vita að það getur haft verulega truflandi áhrif að þurfa að hafa áhyggjur af blöðrunni í miðju hlaupi, ekki síst fyrir hlaupara sem æfa eða keppa í náttúrulegu umhverfi þar sem salerni eru af skornum skammti.

Ólafía fann fljótt hversu mikilvægt það var fyrir hana að hafa ekki áhyggjur af þessum líkamlegu þörfum og geta einbeitt sér alfarið að hlaupinu sjálfu. ,,þegar ég tek SagaPro fyrir keppni eða langar æfingar, minnkar þörfin til að pissa og ég get hlaupið í lengri tíma án þess að það hafi áhrif á einbeitingu eða frammistöðu“. SagaPro er framleitt úr íslenskri ætihvönn sem getur fækkað tíðum þvaglátum með því að hjálpa þvagblöðrunni að fyllast betur.

Aukin orka og fókus á breytingaskeiðinu

En það er ekki bara SagaPro sem hefur haft áhrif á frammistöðu Ólafíu. Ólafía hefur lengi notað fleiri vörur frá Saga Natura, sem allar hafa sinn þátt í að styðja við endurheimt og vellíðan. Energy er orðið ómissandi partur af undirbúningi hennar og æfingum – þar sem samspil orku, fókus og andlegs styrks er lykilatriði, sérstaklega þegar álagið eykst. Energy inniheldur koffín og burnirót, og segir Ólafía að hún finni strax fyrir áhrifunum af koffíninu og bætir því við að burnirótin jafni orkuna og hafi einnig reynst sér einstaklega vel á breytingaskeiðinu.

Hún byrjaði einnig að taka inn Íslenskt Astaxanthin, sem hefur aukið úthald, minnkað bólgur og bætt endurheimt eftir æfingar og einnig haft jákvæð áhrif á húðina. Hún nefnir sérstaklega að húðin verði minna viðkvæm fyrir sól og taki fallegri lit, og þegar hún bætti við AstaSkin, sem inniheldur kollagen og klínískt rannsakað sermíð, varð húðin rakameiri og hún hefur minni tilhneigingu til að fá þurrkubletti.

Náttúran nærir líkama og sál

Náttúran hefur verið mikill þáttur í ferli Ólafíu – bæði sem æfingasvæði og sem uppspretta innblásturs. Að hlaupa úti, í fjölbreyttu landslagi, hefur ekki aðeins styrkt líkamann og bætt úthaldið heldur einnig veitt henni jarðtengingu sem nærir bæði líkama og sál. Að hlaupa í náttúrunni hefur einnig hjálpað henni að finna jafnvægi í lífinu – hún segir að það að vera úti í náttúrunni hafi hjálpað henni að takast á við streitu daglegs lífs.

Hlauparáð Ólu

Til þeirra sem eru að stíga sín fyrstu skref í utanvegahlaupum gefur Ólafía eftirfarandi ráð:

Byrjaðu rólega – og gefðu þér tíma til að finna gleðina í ferðalaginu. Það skiptir ekki öllu hvort þú hleypur hratt eða langt til að byrja með; það sem skiptir mestu máli er að njóta þess að vera úti í náttúrunni og að kynnast eigin styrk.

Þegar hlutirnir verða krefjandi – því það kemur að því – minnir hún sjálfa sig á hversu dýrmætt það er að hafa heilsu til að hreyfa sig og uppgötva nýjar leiðir. Þeirri hugsun fylgir þakklæti og styrkur.

„Slakaðu á væntingunum,“ segir Ólafía. „Þú þarft ekki að slá nein met. Það að mæta og leggja af stað er nóg.“