Við reiðum okkur á sjónina frá morgni til kvölds. Við horfum á skjái, lesum smátt letur, keyrum, vinnum og fylgjumst með fólkinu og umhverfinu í kringum okkur. Oft tökum við þó ekki eftir álaginu á augun fyrr en þau fara að minna á sig.
Þurrkur, sviði, þreyta og erfiðleikar við að halda skýrri sjón eftir langan dag geta verið merki um augnþreytu. Einkennin eru oft tímabundin, en þau eru engu að síður góð áminning um að huga að augunum – ekki aðeins í dag heldur líka með framtíðina í huga.
Þekkir þú einkenni augnþreytu?
Augnþreyta getur lýst sér á ýmsa vegu. Algeng einkenni eru meðal annars:
- þurrkur, sviði eða erting í augum
- þung eða þreytt augu
- tímabundin óskýr sjón
- erfiðleikar við að halda fókus
- ljósnæmi
- höfuðverkur eða óþægindi í kringum augun
þörf fyrir að píra augun eða nudda þau
Hvað veldur augnþreytu?
Augnþreyta kemur gjarnan fram þegar líður á daginn, sérstaklega eftir mikla skjánotkun, lestur eða verkefni sem krefjast stöðugrar einbeitingar. Þegar við horfum á skjá blikkum við gjarnan sjaldnar en ella. Þá getur yfirborð augans þornað og augun orðið aum og þreytt.
Fleira getur þó haft áhrif, til dæmis:
- of björt eða of dimm lýsing
- glampi og endurkast af skjám
- þurrt loft
- sjón sem þarfnast leiðréttingar eða úreltur gleraugnastyrkur
- langur akstur, lestur eða önnur nákvæmnisvinna
Augnþreyta þýðir yfirleitt ekki að augun hafi orðið fyrir varanlegum skaða. Viðvarandi eða skyndilegar breytingar á sjón, verkir eða mikil óþægindi ætti þó alltaf að láta skoða hjá augnlækni.
Gefðu augunum hvíld yfir daginn
Smáar breytingar geta skipt miklu þegar kemur að daglegu álagi á augun:
Líttu reglulega frá skjánum. Einföld regla er að á 20 mínútna fresti er horft í um 20 sekúndur á eitthvað í að minnsta kosti sex metra fjarlægð.
Mundu að blikka. Meðvitað blikk hjálpar til við að viðhalda raka á yfirborði augans, sérstaklega við skjávinnu.
Stilltu skjáinn og lýsinguna. Skjárinn ætti hvorki að vera mun bjartari né dekkri en umhverfið. Gott er að hafa hann örlítið neðan við augnhæð og forðast glampa frá ljósum og gluggum.
Hugaðu að loftinu. Þurrt loft og beinn blástur geta aukið óþægindi.
Láttu athuga sjónina reglulega. Ef þú þarft ítrekað að píra augun eða átt erfiðara með að sjá skýrt gæti verið tímabært að láta mæla sjónina.
Augnheilsa snýst líka um framtíðina
Það sem léttir á þreyttum augum í dag er aðeins hluti af heildarmyndinni. Sjónin breytist með aldrinum og ýmsir augnsjúkdómar geta þróast án áberandi einkenna til að byrja með. Reglulegt augneftirlit er því mikilvægur hluti af því að varðveita góða sjón.
Daglegar venjur skipta einnig máli. Fjölbreytt mataræði, hreyfing og góð stjórn á blóðþrýstingi og blóðsykri styðja við almenna heilsu og um leið augnheilsu. Reykingar auka hættu á ýmsum augnsjúkdómum og góð sólgleraugu, sem verja gegn bæði UVA- og UVB-geislum, hjálpa til við að verja augun fyrir sólinni.
Í fæðunni má meðal annars finna næringarefni sem tengjast eðlilegri starfsemi augna. Dökkt laufgrænmeti inniheldur til dæmis litarefnin lútein og zeaxantín, en fiskur gefur omega-3 fitusýrur. Sink stuðlar að viðhaldi eðlilegrar sjónar og C- og E-vítamín ásamt sinki stuðla að því að verja frumur gegn oxunarálagi.
-
Quick ViewAstaEye
4.990 kr.
AstaEye – Dagleg næring fyrir augun
AstaEye er samsett fyrir þau sem vilja huga að augnheilsu sinni bæði nú og til framtíðar. Varan inniheldur lútein og zeaxantín ásamt vítamínum og steinefnum sem byggja á AREDS2-samsetningunni.
Íslenskt astaxanthin – sérstaða AstaEye
Það sem aðgreinir AstaEye frá hefðbundnum AREDS-blöndum er íslenskt astaxanthin. Astaxanthin er rautt karótenóíð sem unnið er úr örþörungum og er okkar viðbót við hefðbundna AREDS2-samsetningu.
Astaxanthin hefur vakið töluverða athygli vísindamanna vegna andoxunareiginleika sinna og mögulegra áhrifa á almenna augnheilsu. Í klínískum rannsóknum hafa meðal annars komið fram áhugaverðar vísbendingar um áhrif þess á augnþreytu, hæfni augans til að stilla fókus og rakajafnvægi á yfirborði augans.
AstaEye sameinar næringarefni AREDS2-samsetningarinnar og astaxanthin í samsetningu sem tekur mið af bæði augnheilsu til lengri tíma og þeim álagi sem fylgir krefjandi sjónrænu umhverfi nútímans.
Fæðubótarefni koma ekki í stað fjölbreytts mataræðis, góðra venja eða reglulegs augneftirlits. Þau geta hins vegar verið hluti af daglegri rútínu þeirra sem vilja huga vel að næringu augnanna.
Augun bera okkur í gegnum ótal augnablik – bæði hversdagsleg og ógleymanleg. Þess vegna er þess virði að hugsa um þau í dag og fyrir allt sem þú vilt sjá í framtíðinni.
AstaEye – bara það besta fyrir augun þín
Hvernig vilt þú sjá framtíðina?
Astaxanthin: Ofur andoxunarefnið sem verndar sjónina
AREDS2 formúlan: Hægir á framgangi augnbotnahrörnunar
Skildu eftir svar