AREDS2 formúlan: Hægir á framgangi augnbotnahrörnunar  

Dregur úr líkum að sjúkdómur þróist yfir á lokastig

Megin ávinningur AREDS2 formúlunnar er forvarnargildi hennar fyrir þá einstaklinga sem þegar hafa verið greindir með augnbotnahrörnun. Bætiefnin gagnast fyrst og fremst þeim sem eru í mestri hættu á að sjúkdómurinn versni og leiði til sjónmissis.

Fyrir þennan hóp getur daglega inntaka á AREDS2 bætiefnum dregið úr líkum á því að sjúkdómurinn þróist yfir á alvarlegasta lokastigið um u.þ.b. 25% á fimm ára tímabili.

Innihaldsefnin í AREDS2 eru sérvalin til að vernda augnbotninn

• Lutein og Zeaxanthin: Þessi náttúrulegu karótenóíð safnast fyrir í augnbotninum þar sem þau virka eins og innri sólgleraugu, sía skaðlegt blátt ljós og verja viðkvæmar ljósnemafrumur gegn oxunarskemmdum.
• C- og E-vítamín: Öflug andoxunarefni sem vernda frumur augans gegn ágangi sindurefna.
• Sink og Kopar: Sink spilar lykilhlutverk í heilbrigði sjónhimnunnar og kopar er bætt við til að tryggja jafnvægi steinefna í líkamanum.

Sérstaða AstaEye – Alhliða vernd og aukin virkni

AstaEye inniheldur auk AREDS2 formúlunnar andoxunarefnið astaxanthin, sem er eitt öflugasta andoxunarefni náttúrunnar. Saman mynda innihaldsefnin öfluga og alhliða vörn fyrir augun sem vinnur á mörgum vígstöðvum samtímis.

Helstu kostir Astaxanthins fyrir augun:

• Dregur úr augnþreytu og álagi: Í nútímasamfélagi er stafræn augnþreyta vegna skjánotkunar algengt vandamál. Astaxanthin getur dregið úr einkennum eins og þokusýn, sviða og erfiðleikum við fókus.
• Eykur blóðflæði: Astaxanthin getur bætt blóðflæði í fíngerðum háræðum augans, sem þýðir betri flutning á súrefni og næringarefnum til sjónhimnunnar.
• Öflug bólgueyðandi verkun: Astaxanthin er þekkt fyrir að slá á bólgur, en langvinn bólga er talin vera einn af áhættuþáttum margra augnsjúkdóma.
• Víðtæk andoxunarvörn: Ólíkt lúteini og zeaxanthin, sem einbeita sér að augnbotninum, dreifist Astaxanthin víðar um augað og veitir þannig alhliða vörn fyrir allar frumur þess.