96% upplifa aukin lífsgæði með SagaPro

Neytendakönnun á gagnsemi SagaPro, sem framkvæmd var í febrúar 2023, hefur veitt dýrmæta innsýn á viðbrögðum notenda við vörunni. Könnunin var lögð fyrir áskrifendur Saga Natura/Florealis og var unnin í samstarfi við Dr. Þorlák Karlsson, sérfræðing í rannsóknaraðferðum og fyrrum prófessor við Háskólann í Reykjavík.

Svarhlutfall 62,4%

Af 255 einstaklingum sem boðið var að taka þátt svöruðu 159, sem jafngildir þátttökuhlutfalli upp á 62,4%. Þetta hlutfall bendir til verulegs áhuga á SagaPro og gefur góða innsýn í virkni vörunnar frá sjónarhóli neytenda.

Algengasta ástæða fyrir notkun SagaPro eru meiri lífsgæði og betri svefn

SagaPro er þekktast fyrir að meðhöndla næturþvaglát, þ.e. þörfina fyrir að pissa á nóttunni. Því kemur ekki á óvart að meirihluti neytenda eða 66% hafi byrjað að taka SagaPro til að draga úr þeim einkennum. Aðrar ástæður voru einnig nefndar, sumar tengdar tíðni, á meðan aðrar nefndu bráða þörf, þvagleka eða óþægindi.

84% höfðu notað SagaPro í meira en eitt ár

Flestir þátttakendur könnunarinnar höfðu notað SagaPro til lengri tíma, 84% í meira en eitt ár. Töluverður fjöldi hafði notað SagaPro í yfir fimm ár (22%) og þar af höfðu tæp 5% af heildarþátttakendum notað SagaPro í meira en 10 ár. Þetta bendir til mikillar tryggðar við vöruna, sem staðfestir virkni hennar við að draga úr einkennum tengdum ofvirkri þvagblöðru.

96% upplifa aukin lífsgæði með SagaPro

Meirihluti þátttakenda í rannsókninni, 71% upplifði fækkun á næturþvaglátum sem áhrif af notkun SagaPro og fækkaði ferðum á klósettið að næturlagi um að meðaltali 1,5 skipti og 2 skipti að degi til.  96% þátttakenda í könnuninni sögðu að notkun á SagaPro hefði bætt lífsgæði þeirra. Rannsóknir hafa sýnt að ofvirk þvagblaðra getur haft víðtæk áhrif á líf fólks og valdið svefnleysi, kvíða og þunglyndi. Að draga úr einkennum ofvirkrar þvagblöðru getur því bætt lífsgæði almennt.  

Helstu niðurstöður könnunarinnar eru eftirfarandi:

• Næturþvaglát er algengasta ástæðan fyrir notkun SagaPro.
• Margir þátttakendur upplifðu minnkun tveggja eða fleiri einkenna með notkun SagaPro.
• SagaPro notendur eru líklegir til að nota vöruna sem langtímalausn.
• Karlkyns þátttakendur eru líklegri til að nota SagaPro til að draga úr næturþvagláti.
• Kvenkyns þátttakendur eru líklegri til að nota SagaPro við ýmsar íþróttaathafnir og/eða þegar þær finna fyrir brýnni þörf á að pissa.
• Flestir SagaPro notendur taka tvö hylki á dag, og er það mismunandi eftir einkennum hvort þeir kjósi að taka hylkin á morgnana eða seinna um daginn.
• 96% telja að SagaPro hafi bætt lífsgæði sín.
• 98% þátttakenda hafa tekið hlé á notkun SagaPro og fundið fyrir endurkomu einkenna ofvirkrar þvagblöðru.
• Kvenkyns þátttakendur voru líklegri til að nota SagaPro til að bæta upplifun við útivist eða íþróttaiðkun.
• 62% þátttakenda upplifðu minni einkenni ofvirkrar þvagblöðru innan viku frá upphafi inntöku.
• Þátttakendur upplifðu fækkun dagþvagláta um 2,1 skipti á dag og fækkun næturþvagláta um 1,5 skipti á nóttu að meðaltali.

Niðurstöðurnar sýna greinilega að SagaPro hefur jákvæð áhrif á lífsgæði notenda og staðfesta mikilvægi vörunnar.